Чалавек адказвае Богу. Катэхет дзеліць вучняў на групы і раздае ім карткі з назвамі стацый Крыжовага шляху (пажадана з ілюстрацыямі) і прапаноўвае вучням паказаць гэтыя стацыі ў

Катэхет дзеліць вучняў на групы і раздае ім карткі з назвамі стацый Крыжовага шляху (пажадана з ілюстрацыямі) і прапаноўвае вучням паказаць гэтыя стацыі ў застылых позах. Можна падрыхтаваць касцюмы і музычнае суправаджэнне.

Катэхет задае вучням пытанні:

¾ Якія пачуцці ўзніклі ў вас пасля прачытання тэкстаў і пастагоўкі сцэнак-мініяцюр?

¾ Што вас найбольш уразіла? Якія словы, дзеянні?

¾ Што новага вы сёння адкрылі для сябе?

¾ Што б вы хацелі зрабіць для Езуса?

Разважанне

Катэхет задае пытанні вучням:

¾ Як ты прымаеш цярпенні?

¾ Ці молішся ты, калі пакутуеш?

¾ Ці адказваеш ты дабром на зло?

¾ Як ты паводзіш сябе, калі цябе несправядліва асуджаюць?

¾ Ці не падштурхоўваеш ты бліжніх да зла?

¾ Ці не здраджваў ты бліжнім?

¾ Ці не асуджаў ты бліжніх?

¾ Ці ўдзячны ты Езусу за Яго муку і смерць? У чым гэта выяўляецца?

¾ Што ты можаш і хочаш зрабіць для Езуса Хрыста пасля сённяшняй сустрэчы з Ім?

Пастанова

Катэхет прапануе вучням запісаць пастанову ў сшытак.

Хатняе заданне

¾ Раскажы членам сваёй сям’і і сябрам пра муку і смерць Езуса Хрыста.

¾ Напішы малітву, у якой ты дзякуеш Езусу за Яго муку і смерць на крыжы, просіш прабачэння за свае грахі і молішся аб ласцы быць Яго сапраўдным вучнем і паслядоўнікам.

Заключная малітва

Пакланенне Крыжу

Тэма 21. Езус Хрыстус уваскрос

Дыдактычная мэта:

пазнаёміць вучняў з біблійнымі падзеямі, звязанымі з уваскрасеннем Езуса Хрыста і Яго аб’яўленнем вучням; дапамагчы вучням зразумець, што Езус Хрыстус памёр і ўваскрос дзеля нашага збаўлення; што факт уваскрасення з’яўляецца фундаментам — асноваю нашай веры.

Выхаваўчая мэта:

фарміраваць у вучняў пачуццё ўдзячнасці Богу за дар збаўлення.

Матэрыялы:

Біблія: Лк 24, 1–9; Лк 24, 13–35; Ян 20, 24–31.

Ілюстрацыі:

1) «Уваскрасенне Езуса Хрыста»;

2) «Уваскрослы Езус з’яўляецца вучням па дарозе ў Эмаус»;

3) «Сустрэча Уваскрослага з Тамашам».

Надпісы да ілюстрацый: «Чаму вы шукаеце жывога сярод мёртвых? Яго тут няма; Ён уваскрос» (Лк 24, 5–6); «Калі сядзеў з імі за сталом, узяў хлеб, благаславіў, паламаў і даў ім. Тады адкрыліся іхнія вочы, і яны пазналі Яго. Але Ён стаўся нябачным для іх» (Лк 24, 30–31); «Пан мой і Бог мой!» (Ян 20, 28); «Ты паверыў, таму што ўбачыў Мяне. Шчаслівыя тыя, хто не бачыў, а паверыў!» (Ян 20, 29).

Фрагменты з фільма пра ўваскрасенне Езуса Хрыста і пра аб’яўленне Уваскрослага вучням.

Метады катэхезы:

малітва, аналіз біблійнага тэксту, медытацыя над абразом, завучванне ключавога верша на памяць, слуханне аўдыёзапісу Бібліі, прагляд фрагмента з фільма, дыялог, праца ў групах, пісьмовая праца на аснове тэксту, творчая майстэрня — прэс-канферэнцыя.

Ход занятку

Малітва

Веру ў Бога… (на словы «памёр…» усе становяцца на калені) або песня пра ўваскрасенне Езуса Хрыста.