Чалавек адказвае Богу. Катэхет прапануе вучням напісаць разважанне або намаляваць малюнак на тэму: «Як ты рыхтуешся да другога прыйсця Езуса Хрыста?» (у сшытку заданне № 5).

Катэхет прапануе вучням напісаць разважанне або намаляваць малюнак на тэму: «Як ты рыхтуешся да другога прыйсця Езуса Хрыста?» (у сшытку заданне № 5).

Вучні дзеляцца сваёй творчасцю.

Разважанне

Катэхет задае вучням пытанні:

— Ці верыш ты прадказанням ілжэпрарокаў пра канец свету?

— Як ты рыхтуешся да канца свету?

— Як ты адносішся да бліжніх? Ці бачыш ты ў іх Езуса Хрыста?

— Што ты робіш для бліжніх?

— Ці не робіш ты дабро напаказ?

— Што ты можаш і хочаш зрабіць для Езуса Хрыста пасля сённяшняй сустрэчы з Ім?

Пастанова

Катэхет прапануе вучням запісаць пастанову ў сшытак.

Хатняе заданне

— Раскажы членам сваёй сям’і і сябрам пра другое прыйсце Езуса Хрыста.

— На працягу гэтага тыдня звярні асаблівую ўвагу на бліжніх, якіх ты недалюбліваеш, маліся за іх і пастарайся зрабіць для іх добрыя ўчынкі. Рабі гэта ў імя Езуса Хрыста і для Яго.

Заключная малітва

Літанія да Найсвяцейшага Імені Езус.

Тэма 26. Жыццё першых хрысціянаў.

Мучаніцтва святога Стэфана

Дыдактычная мэта:

пазнаёміць вучняў з тым, што ў Бібліі гаворыцца пра жыццё першых хрысціянаў і пра першамучаніка Стэфана; дапамагчы вучням зразумець, што сапраўдным хрысціянам уласціва любоў і адзінства.

Выхаваўчая мэта:

фарміраваць у вучняў імкненне быць сапраўднымі хрысціянамі.

Матэрыялы:

Біблія: Дз 2, 42–47; Дз 4, 32–35; Дз 5, 14; Дз 7, 54–60.

Ілюстрацыі:

1) «З жыцця першых хрысціянаў», надпісы да ілюстрацыі: «Паглядзіце, як яны любяць адно аднаго» Тэртуліян; «Штодня збіраліся аднадушна ў святыні, і ламаючы дома хлеб, яны спажывалі ежу ў радасці і прастаце сэрца, праслаўляючы Бога і маючы прыхільнасць усяго народу. А Пан штодня далучаў да іх тых, хто меў быць збаўлены» (Дз 2, 46–47);

2) «Мучаніцкая смерць святога Стэфана», надпіс да ілюстрацыі: «І, упаўшы на калені, ён [Стэфан] усклікнуў моцным голасам: „Пане, не лічы ім граху гэтага“. І, сказаўшы гэта, памёр» (Дз 7, 60).

Фрагмент з фільма, у якім адлюстроўваецца жыццё першых хрысціянаў і смерць першамучаніка Стэфана.

Метады катэхезы:

малітва, аналіз біблійнага тэксту, медытацыя над абразом, завучванне ключавога верша на памяць, слуханне аўдыёзапісу Бібліі, прагляд фрагмента з фільма, акраверш, праца з біблійным тэкстам (вылучэнне фрагментаў тэксту рознымі колерамі), дыялог, праца ў групах, пісьмовая праца на аснове тэксту, творчая майстэрня — інтэрв’ю.

Ход занятку

Малітва

Акт любові

Праверка хатняга задання

Катэхет прапануе вучням распавесці пра тое, што ў іх атрымалася зрабіць для людзей, якіх яны недалюбліваюць.

Пры паўтарэнні хатняга задання можна выкарыстоўваць крыжаванкі, змешчаныя ў канцы сшытка (крыжаванка № 25).

Катэхет уводзіць вучняў у новую тэму.

Чалавек пытаецца

Катэхет прапануе вучням адказаць на пытанне, выкарыстоўваючы першыя літары слова «хрысціянін» (у сшытку заданне № 1):

— Якога чалавека можна назваць сапраўдным хрысціянінам?

Вучні выказваюць сваё меркаванне.

Бог адказвае

Сёння мы з вамі пазнаёмімся з фактамі жыцця першых хрысціянаў. Яно апісана ў першых главах кнігі Дзеяў Апосталаў. Хрысціянскую супольнасць узначальвалі Апосталы, да якіх далучыўся Мацвей замест Юды Іскарыёта. Пасля ўнебаўшэсця Езуса Хрыста Касцёл складаўся са 120 чалавек. У дзень спаслання Святога Духа супольнасць павялічылася на 3 000 чалавек. Праз нядоўгі час колькасць хрысціянаў узрасла на 5 000 чалавек. Цяпер нас, хрысціянаў-католікаў, ва ўсім 1, 2 мільярды.

Катэхет вешае на дошку ілюстрацыі:

1) «З жыцця першых хрысціянаў», надпісы да ілюстрацыі: «Паглядзіце, як яны любяць адно аднаго» Тэртуліян; «Штодня збіраліся аднадушна ў святыні, і ламаючы дома хлеб, яны спажывалі ежу ў радасці і прастаце сэрца, праслаўляючы Бога і маючы прыхільнасць усяго народу. А Пан штодня далучаў да іх тых, хто меў быць збаўлены» (Дз 2, 46–47);

2) «Мучаніцкая смерць святога Стэфана», надпіс да ілюстрацыі: «І, упаўшы на калені, ён [Стэфан] усклікнуў моцным голасам: „Пане, не лічы ім граху гэтага“. І, сказаўшы гэта, памёр» (Дз 7, 60).

Катэхет прапануе вучням праслухаць чатыры фрагменты аўдыёзапісу Бібліі: Дз 2, 42–47; Дз 4, 32–35; Дз 5, 14; Дз 7, 54–60.

Можна паказаць фрагмент з фільма, у якім адлюстроўваецца жыццё першых хрысціянаў і смерць першамучаніка Стэфана.

К. прапануе вучням пісьмова папрацаваць з біблійнымі тэкстамі (у сшытку заданне № 2):

Дз 2, 42–47;

Дз 4, 32–35; Дз 5, 14;

Дз 7, 54–60.

Падкрэслі чырвоным колерам усё, што характарызавала жыццё першых хрысціянаў, а таксама словы і дзеянні Стэфана; сінім колерам — адносіны людзей да першых хрысціянаў і да святога Стэфана.

Катэхет:

Сёння адбудзецца прэс–канферэнцыя на тэму «Жыццё першых хрысціянаў. Мучаніцтва святога Стэфана» (у сшытку заданне № 3).

Катэхет дзеліць вучняў на 2 групы. Першая група выбірае вучняў, якія будуць прадстаўляць Стэфана і трох першых хрысціянаў. На аснове біблійных тэкстаў група рыхтуецца да прэс–канферэнцыі.

Другая група са свайго складу выбірае журналістаў-рэпарцёраў і на аснове біблійных тэкстаў рыхтуе пытанні для ўдзельнікаў прэс–канферэнцыі.

І група:

Стэфан і трое першых хрысціянаў (вучні могуць падрыхтаваць для сябе касцюмы і іншыя неабходныя атрыбуты).

На аснове біблійных тэкстаў (Дз 2, 42–47; Дз 4, 32–35; Дз 5, 14; Дз 7, 54–60) падрабязна вывучыце падзеі з жыцця першых хрысціянаў і гісторыю мучаніцтва Стэфана. Выбірыце вучняў, якія будуць прадстаўляць Стэфана і трох першых хрысціянаў на прэс-канферэнцыі.

ІІ група:

журналісты-рэпарцёры (вучні могуць выбраць фотарэпарцёра, могуць здымаць рэпартаж і г.д.).

На аснове біблійных тэкстаў (Дз 2, 42–47; Дз 4, 32–35; Дз 5, 14; Дз 7, 54–60) падрабязна вывучыце падзеі з жыцця першых хрысціянаў і гісторыю мучаніцтва Стэфана. Падрыхтуйце пытанні, якія дапамаглі б чытачам вашай газеты (гледачам вашай перадачы) яскрава і падрабязна даведацца пра жыццё першых хрысціянаў і мучаніцтва Стэфана.

Катэхет:

Цяпер адбудзецца прэс-канферэнцыя.

Групы займаюць свае месцы, і пачынаецца прэс-канферэнцыя.

Пасля яе завяршэння катэхет задае пытанні вучням:

— Якое, на ваш погляд, самае цікавае пытанне задалі рэпарцёры?

— Які, на ваш погляд, самы цікавы адказ?

— Што новага вы даведаліся пра жыццё першых хрысціянаў і Стэфана?

— Што вам больш за ўсё спадабалася з жыцця першых хрысціянаў і Стэфана?