Чалавек адказвае Богу. Мы ведаем, што Пан Бог — Міласэрны Айцец, Ён прабачае нам нашы грахі, калі мы ў іх шчыра раскайваемся.

Мы ведаем, што Пан Бог — Міласэрны Айцец, Ён прабачае нам нашы грахі, калі мы ў іх шчыра раскайваемся.

Напішы, як ты разумееш выраз: «Пан Бог Міласэрны, таму што Ён ахвотна прабачае нам нашы грахі, калі мы ў іх шчыра раскайваемся» (у сшытку заданне № 3).

Катэхет задае вучням пытанні:

— У якім сакрамэнце мы сустракаемся з міласэрным Айцом?

— Хто і калі ўстанавіў гэты сакрамэнт?

— Які плён прыносіць гэты сакрамэнт?

Катэхет:

Для таго, каб падрыхтавацца да сакрамэнту пакаяння, нам неабходна выканаць пяць умоваў (у сшытку заданне № 4).

Калі накласці рашотку на табліцу, застануцца неабходныя літары — будуць бачныя пяць умоваў сакрамэнту пакаяння.

Знайдзі іх і выпішы

Разважанне

Катэхет задае вучням пытанні:

— Як часта ты задумваешся пра сваё жыццё, пра свае думкі, словы і ўчынкі?

— Як часта ты прыступаеш да сакрамэнту споведзі?

— Калі ты апошні раз прыступаў да сакрамэнту споведзі?

— Як ты рыхтуешся да сакрамэнту паяднання?

— Што ты можаш і хочаш зрабіць для Езуса Хрыста пасля сённяшняй сустрэчы з Ім?

Пастанова

Катэхет прапануе вучням запісаць пастанову ў сшытак.

Хатняе заданне

— Раскажы членам сваёй сям’і і сябрам прыпавесць пра міласэрнага айца.

Катэхет прапаноўвае вучням прыдумаць завяршэнне прыпавесці пра міласэрнага айца ці намаляваць малюнак па гэтай тэме.

Заключная малітва

Малітва св. Фаустыны Кавальскай аб міласэрнасці

Дапамажы мне, о Пане, каб вочы мае былі міласэрныя, каб ніколі не глядзела я з падазронасцю і не меркавала па знешніх прыкметах, заўважала тое, што прыгожае ў душах бліжніх, і прыходзіла ім на дапамогу.

Дапамажы мне, Пане, каб рукі мае былі міласэрныя і поўныя добрых учынкаў, каб я ўмела рабіць бліжняму толькі дабро і браць на сябе самую цяжкую, карпатлівую працу.

Дапамажы мне, каб ногі мае былі міласэрныя, каб я заўсёды спяшала на дапамогу бліжнім, перамагаючы сваю ўласную стому і змучанасць.

О Езу мой, перамяні мяне ў Сябе, бо Ты ўсё можаш.