Маятник математикалық– созылмайтын салмақсыз жіпке ілінген және вертикаль жазықтықта тербелетін материалдық нүкте.

Маятник физикалық– ауырлық күшінің әсерінен ауырлық центрден өтпейтін қозғалмайтын горизонталь өске қатысты тербелетін материалдық қатты дене.

Механизм – бір немесе бірнеше қатты дененің қозғалысын керекті қозғалысқа түрлендіретін денелер жүйесі.

Ықтимал орын ауыстыру (мүмкін) – жүйенің байланыстар әсерінен ойша шексіз кіші орын ауыстыруы.

Радиус-вектор – қозғалыстағы нүктенің кез келген уақыттағы орнын көрсететін, шамасы мен бағыты уақытқа тәуелді өзгеретін бағытталған кесінді.

Сырғақ (поршень) – бағыттаушылар бойымен қозғалатын буын.

Табиғи өстер (табиғи үшжақтық) – бас нүктесі қозғалыстағы нүктемен дәл келетін, ал өстерінің біреуі траектория

ға жанама, екіншісі бас нормаль, үшіншісі бинормаль бойынша бағытталған тікбұрышты қозғалатын координаталар жүйесі.

Тербелістердің декременті – тербелістердің өшу процесін сипаттайтын шама.

Тербелістің логарифмдік декременті– тербеліс декрементінің өрнегіндегі санының дәреже көрсеткіші.