Негізгі құралдар панелі

Тақырып қатары – флипчартты жабады, негізгі құралдар панелінің орнын ауыстыру үшін тақырып қатарына шертіп, керекті орынға ауыстыруға болады.

Басты Меню батырмасы - ACTIVstudio функцияларының кілті болып табылады. Құралдар панелін және параметрлерін баптауға мүмкіндік береді.

Жоғары-төмен жылжыту батырмасы – флипчарт бетін экранда жоғары-төмен жылжытады.

Флипчарт батырмасы - ACTIVstudio мен Windows қосымшасының арасында флипчартыңызды көрсетеді немесе оны жасырады. Егер жаңа флипчарт құрылмаған болса, онда оны құрады.

Жұмыс үстелінде аннотация жасау - Windows қосымшаларында, жұмыс үстелінде жұмыс жасауға мүмкіндік береді.

Түстер палитрасы – қаламның, маркердің құю құралының түсін өзгертуге мүмкіндік береді.

Еркін таңдау құралы - бір немесе бірнеше объектілерді таңдап, оларды редактілеуге және басқаруға мүмкіндік береді.

Қалам құралы - флипчартта аннотация жазуға немесе сурет салуға мүмкіндік береді.

Маркер құралы - қаламмен мәтінді, аннотацияны және кескінді ерекшелеуге мүмкіндік береді.

Өшіргіш құралы - флипчарттағы объектілерді жасыруға мүмкіндік береді.

Мәтін құралы - флипчартқа тақырып немесе мәтін енгізуге мүмкіндік береді.

Тазалау құралы - флипчарттың нысандарын, нұсқауларын, торларды, фондарды және флипчарт бетін толығымен өшіруге мүмкіндік береді.

Болдырмау - флипчартта орындалған соңғы командаларды немесе редакторлеуді толығымен қалпына келтіруге мүмкіндік береді.

Қайтару - Болдырмау батырмасын басқанға дейінгі жағдайды қайтаруға мүмкіндік береді.

Бүркемелеу құралы- флипчартты жасырып, соңынан оны төрт жағынан – жоғарыдан, төменнен, сол жағынан және оң жағынан ашып көрсетуге мүмкіндік береді.

Прожектор құралы – флипчатты бүркемелеп, белгілі аймағын көрсетуге немесе сол аймақты ғана бүркемелеуге мүмкіндік береді.

Фотоаппарат құралы – флипчарттың бөлігінің немесе бүкіл бетінің көшірмесін жасауға мүмкіндік береді.

Беттің көлемі - флипчарттың бетін үлкейтуге немесе кішірейтуге мүмкіндік береді.

Арнайы құралдар - арнайы құралдар панелін ашуға мүмкіндік береді.

Тану құралы - қолданушының қолмен жазған жазуын машиналық жазбаға айналдыруға, геометриялық фигураларды түзулеуге мүмкіндік береді.

Құю құралы - нақты аймақты түспен толтыруға мүмкіндік береді.

ACTIVote – тестілеуді жүргізуге мүмкіндік береді.