ДҮҚМ-де алынған дайындамалардан илемдер өндірудің технологиялық сұлбасы

Егер металдың бір бөлігі ДҮҚМ-де құйылатын болса, онда зауыт үшінші сұлба бойынша жұмыс істейді. Бұл кезде құймакесектер жаншығыш цехтарға, ал үздіксіз құйылған слябтар табақ илемдеу цехтарына жөнелтіледі. Металлургия зауыттарының жаншығыш цехтары илемделетін пішінге қарай блюминг пен слябингтермен жабдықталған.

Қазіргі заманғы цехтарда блюмингтерден кейін үздіксіз дайындамалық орнақтар (ҮДО) орнатылған, олар блюмингтерде ірі қималы блюмдерді илемдеуге мүмкіндік береді. Содан соң блюмдер алдын-ала қыздырылусыз орнақ сипаттамасына байланысты квадрат қималы дайындамаларға (80-160 мм) илемделеді.

Төмендегі сұлбада металлургия зауыттарының негізгі цехтарының жалпы орналасу сұлбасы келтірілген.