Метанның газ құрамындағы мөлшерінің қысым мен температураға байланысы.

Суретте H₂O:СН₄ қатынасы 2:1 болғанда конверсияланған газ құрамында қалған СН₄ мөлшерінің әртүрлі температурада қысымға байланыстылығы көрсетілген. Суретте мынаны көреміз: егер метанның толық конверсиясы атмосфералық қысымда 700-750⁰С температурада іске асса, 3МПа қысымда ол үшін 1000⁰С керек. Дегенімен реакцияның жылдамдығын көбейту үшін аппарат пен газопроводтардың көлемін кішірейту үшін су буымен конверсияны жоғары қысымда жүргізеді. Бұл үшін конверсия қондырғысына келетін табиғи газдың 1-4МПа қысымын қолданады.

Жоғары қысымда су –бу конверсиясының жылдамдығы мына формуламен есептеледі.

dPCH₄ КР cн₄

U = ----- = ------

dτ Рн₂

мұндағы, K-конверсия жылдамдығының тұрақтысы, с^-1,

τ -конверсия тұрақысы,с,

P CH₄ және PH₂ метан мен сутегінің парциал қысымы

Жоғарыда көрсетілген температурада системаның тепе-теңдік орнау жылдамдығы аз болғандықтан, ал температураны 1300⁰С дейін көтеру метанды крекингтеуге әкеліп соғатындықтан конверсияны Al₂O₃ отырғызылған никель катализаторында жүргізеді. Катализатордың қатысуы 700⁰С температурада реакторға берілетін бу-газ қоспасының жоғары көлемдік жылдамдығымен өте тез метанның жоғары тепе-теңдік дәрежемен айналуын қамтамасыз етеді

2.Оттегімен конверсиясы.Метанның оттегімен (ауамен) жартылай тотығуы метанның бір бөлігінің көміртек оксидіне (ІV) дейін тотығуымен сипатталады.

СН₄+2О₂ «СО₂ + Н₂О- DН DН =891кДж (а)

әрі қарай метанның тотығу өнімімен әрекеттесу жүреді.

СН₄+ СО₂ «2СО+2Н₂+DН DН =248кДж (б)

СН₄+Н₂О « СО+3Н₂+DН DН =206кДж (в)

Бұл реакциялар қайтымды болғандықтан және көлемнің ұлғаюымен жүретіндіктен оттегімен конверсия процесінің қосынды реакциясы жылу бөлумен жүреді.

СН₄+1/2О₂ «СО+2Н₂ - DН DН =35кДж

Оттегімен конверсия бу конверсия заңдылықтарына бағынады. Бұл процесті 900⁰С-та көтеріңкі қысымда, оттегінің артық мөлшерімен Nі/AІ₂O₃катализаторында жүргізеді.