З “ПОЛЬСЬКИХ СПРАВ” МОСКОВСЬКОГО ПОСОЛЬСЬКОГО ПРИКАЗУ (КОЛИШНЬОГО АРХИВА МИНИСТЕРСТВА ЗАКОРДОННИХ СПРАВ, ТЕПЕР МОСКОВСЬКОГО ДРЕВЛЕХРАНИЛИЩА) 1). 2 страница
В понедЂлок 32). Послал митрополит до воєводы, дабы справы наши вдал(ь) не протягалися, в то же воєвода труждати ся обЂщал.
Во второк, в девятом часу засыли панове и послы в храминЂ санаторской чрез день и чрез нощъ, аж в среду в девятом часу сеймъ скончивши, и короля благодаривши оттошли. В том дни митрополит был у ксенза арцибискупа гнЂздинского на обЂдЂ, у него ж о ходатайст†єго просил до короля, он же арциб. обЂщал.
В чвартекъ кроль на лов за д†мили Ђхал, и погребаніе пана маршалка коронного было. Казанья казал ксонз Иванитцкий каноникъ лутцкий. Того ж дня митрополит с воєводою жалостнЂ розгаваривали о сконченіи сейму, о неутврженіи 33) справы благочестия.
Того ж дня всю нощ(ь) отецъ нареченный витепский труждал ся списуючи, чего домовляти ся имЂютъ.
В пяток 34) рано воєвода написал челобитную до короля от митрополита и духовенства: прислал до прочитаня и подписи отцу митрополиту.
Супплика до короля:
“ПриЂхали єсмы здЂ на сеймъ повелЂнієм и поставленіємъ вашей к. м., а потом и от гетмана и войско Запороского в той пут(ь) бол(ь)ши нуждею нежели волею присыланы. Чего ради єсмы приЂхали, явно в. к. м.-сіє по обЂщанію данном под Зборовом войску Запороскому. Мы ж о том безвЂстны будучи, єгда там ниж были, ниже видЂли, на что сам Богъ свидЂтелем єсть, тако написано, что унЂя на том сеймЂ, такъ яко совЂтовано будет с митрополитом києвском и з духовенством, имЂєт быти разорена, и добра всЂ с церквами имЂют быть отданы. Но уж здЂ полторы недЂли ждем разказанія в. к. м., а надЂєхом ся, что на сем сеймЂ все исполнити ся имЂло. Но не вЂмы чему в небреженіи сіє дЂло, что раз толко у бискупа виленского схожденіє имЂвши, а кто бы нас слушал, ни єдиного не имЂли. УтЂшал нас воєвода кієвский милостію в. к. от дни на ден(ь), потом же сеймъ скончив, а мы ничтож получили. НынЂ ж без права без возвращения добръ церковных от Ђзжаєм. Єсли, сохрани боже, за сіє, запалится огнь в козаках, мы пред престолом божіим и в. к. м. о нашей невинности свидЂтельствуєм.
“И сами чаєм здравіє своє погубити за здЂшноє бытиє и возвращеніє бездЂльноє, зане нам козаки Днепром грозят, також и самому пану воєводЂ до Києва нЂпочто Ђхать.
“ДЂла тут ни єдинаго блага видим, как отселЂ и с чЂм от Ђхат(ь) имамы. Дал посредство пан воєвода именем вашей кролевской милости, чтобы утЂшатис(ь) тЂмъ. А мы так послани, чтобы мы или все одержали или ні с чЂмъ возвратилис(ь). Мы ж обач граждане отчизны и вЂрныє подданныя в. к. м., вЂдая, что имЂеть быти от от Ђзда нашего без постановленія, - главы наша и здравіє будетъ не безстраху,-
“О трех рЂчей просимъ:
“Первая: Архиєпископия празнующая 35) владычество Лутскоє, Хелмскоє, Премысльскоє, архимандричество Жидичинскоє, церков(ь) Любел(ь)ская, монастырь номинату Лещъ-дабы нам отданы были, и привиленя дабысмы имЂли.
“Другая прошенія наша: Понеж постановленїя ни єдиного имамы, и о семь молим, дабы нам правом сиє утверждено было, и что ни єсть в тот час порожно было, то нам за милость кролевскую дабы привращено было, и что потом котороє опорознится от униятов, нам же бы возвращено было, и дабы о том печат(ь) кролевская дана нам была для сущия правды.
“Третия: Дабы церкви вси, которыя в правах при королЂ блаженная памяти сут(ь) нам даныя, отданы были-сирЂчь: в Вилни, в Смоленску, в Пинску, во Л(ь)вовЂ, и по иных градЂхъ, которыя имамы в росписи написаныя.
“ТЂ три изспрошенія єгда з милости королевской приимемъ, тЂмъ утЂшим народ Руский и войско Запороскоє, то и возвратим ся в Києв. А єсли того не одержим от милости королевский, яко тамо главы наша имЂємъ нести под мечь, тако и здЂ в. к. м. права наша полагаючи и главы наша под ноги в. к. м. помЂтаєм”.
Того ж дня в пяток корол(ь) прислал к митрополиту пана Обуховича, писаря великаго княжества Литовского, довЂдуючись, что имЂєтъ ли Ђхати митрополит к Києву, і велми удивляя ся, почто тако хощет скоро Ђхати в Києв. А самъ обЂщаваєт милость митрополиту и попеченіє 36) велиє имЂя, “дабы вас утЂшил”. Во утрий день вас просит до пана подканцлЂря литовского, тамож зазывал князя маршалка литовского, воєводу Киселя. Там же обЂщал волю их сотворити и ходатайством своим милость у короля обрЂсти. Отецъ митрополит благодаривши за сіє кролевскую милость, на сидЂниє обЂщал ся быти, и в Варша†хот(ь) и с трудностію мало время пребыти.
Того ж дня отецъ митрополит былъ у князя Вишневецкаго на пиру, гдЂ коликонадесят сенаторов и много прочих панов было, которых довольно и богато учреждено, з мусикою королевскою и войсковою. Там же князь Вишневецкий обЂщал ся над иных и лучши всЂх милость свою к ним имЂти. Панъ канцлЂръ за здравіє отца митрополита так рек: За здравїє вашей честности, господина и пастыря, и за всЂ овцы твои пию и проч.-начавши от пана воєводы києвского до пана воєводы руского и проч. Тамож княз(ь) Радивил гетман литовский, воєвода троцкий, воєвода смоленский, панъ гнЂзнинский, пан подканцлЂрый ксондзъ именованный епіскопіи премысльскии и вси инии панове с великою честію отца митрополита вси почитали, и были там до полунощи, потом отЂхали. Княз(ь) Вишневецкій имянно обЂщался отцу митрополиту и с клятвою во всем услужить, токмо дабы єго просили; наипаче же козаком готовъ служит(ь)- “З дому бо моєго войско Запорозкоє начаток свой взяло; дабы большеє разпространеніє имЂло, должен аз о них попеченіє имЂти”. Тамо ж канцлЂра на сідЂниє и ксондза арцыбискупа познанского во утро просил пріити.
В суботу 37) во осмом часу было сидЂниє у ксондза бискупа гнездненсково, на котором был ксондзъ сам арцыбискупъ, бискуп познанский, канцлЂръ коронный, подканцлЂрый, ксонжа канцлЂръ литовскій, воєвода києвскій, воєвода браславскій, отецъ митрополит съ духовными своими; а отецъ владыка лвовскій и архимандрит печарскій за немощ 38) не были.
В первых на том сидЂніи рек ксондзъ арцыбискуп гнЂздненскій: Король панъ, хотя вскорЂ тщаніє о упокоєніи имЂти, а болый сего ради дабы и Речъ Посполитая в страху не была, и дабы по обЂшанїи св(о)єм подъ Зборовом войску Запорозкому довол(ь)но учинилъ, и нам приказал у вас спросит(ь), чего у короля вы хощете.
Панъ воєвода києвскій: уже бо имЂли разговор наши православнии съ униатами у бискупа виленскаго, гдЂ съ собою ни в чем не соглашалис(ь). Я в то время и доселЂ приводя их к смиренію, любо и отавсюду боя ся, казаки бо мечем и водою грозивши к вам и нехотящаго мене выслали, яко сам отецъ митрополит все сіє вЂсть.
Отецъ митрополит: ПриЂхал аз з духовными моими на нынешній сеймъ, частію яко званый посланьємъ от короля, частию жъ и нуждею от казаковъ изгнанъ, дабы Ђхал, и просилъ обЂщанія у короля под Зборовомъ о разореніи уніи. Не хотЂл бы аз ceгo обЂщанія и добръ намъ належащих, которыми уніати владЂют, отискивати; но иж и без мене сиє под присягою под Зборовом сіє обЂщано. “Какъ отецъ митрополит восхощет о разрушеніи уніи, все сотворити обЂщаємъ”, ceгo ради и корол(ь), хотя обЂщаніє своє казаком исполнить, мене чрез писаніє своє призват(ь) изволил, и ceгo ради козаки мене и нехотяща выслали, дабы о разрушеніи унии обЂщаніє королевскоє одержал. А чего бы аз хотЂл и совЂтъ имЂл з духовными моими, на первом сидЂніи у ксондза бискупа виленскаго открыл, и днес(ь) о том же прошу, что нам вси добра, которыми униаты владЂютъ, принадлежат, а так и о всЂ добра просим. Уніи разрушать не мыслим, ани их в чем неправо вЂруют истязуєм. Токмо о наше сущеє, что они без всякаго права от насъ от'яли, до престола королевскаго о том припадая молим. С тЂмъ нас и казаки виправили обЂщая нам сіє: “Или со всЂм что нам пристоит, или ни с чЂм к нам Ђдите; аще ли ж в том что нам єсть негодно, согласитес(ь), вЂдайте о том, что до Днепра вас конечнЂ попровадят”. Полно бы уже, панове, и короля пана, и сеймов, и всего панства смущати, полно ж и намъ от уніатов обиды терпЂти, а лучши бы смирити.
На сіє канцлир литовскій: Что ж вы за кривды терпите?
Отецъ митрополит объявляєт вкратцЂ обиды свои и договоры:
“Блаженной памяти корол(ь) услужениє таинствъ и дЂтемъ учениє в благочестии живущим, а не унитом позволив присягою своєю утвердил. Но унияты противо тому противились и не допустили вол(ь)наго имЂти служенїя таинствъ и благочестей яко во Л(ь)вовЂ, в ЛюблинЂ, в Красном СтавЂ, в Билску, в ЛитвЂ, в Смоленску, в Витепску, в Кобрину и в прочих градЂх, гдЂ наши благочестивыя были,-за что наши тагалися и вол(ь)ность до насилия єдин на другово имЂли.
“Владыцтво Премысльскоє при нас навЂки было обЂщано стоять, потом у нас право от'ято; просим дабы было привращенно.
“Церкви муроват(ь) и созидат(ь) волно было наши ж в яно†строити начали, они разрушили, в СокалЂ муроват(ь) не дали. “Типографовъ за выпечатован(ь)ємъ катехизмов наших злыми обложили, яко во Л(ь)вовЂ.
Во ЛьвовЂ, в Витепску, в Полотцку, в Вил(ь)ни до судов гражданских не приємлют наших,-просим дабы д†части наших было, а унитов єдина.
“Братства имЂти не повелЂвают в Смоленску, в Брестю, в Бил(ь)ску и в прочих городах.
“Монастыри Святого Спаса, ст. Ануфрия и проч. ксондзъ Крупецкий владЂєт, которыє наши были. На Вилчу под Прешлем Пресвятой (!) Пречистой, въ Мсцисла†церквей не отдано, св. Троицы, св. Спаса, в Могиле†такожде монастырь Св. Спаса з доходами.
“В Вилни трех церквей не дано: Воскресенія Христова, св. Іоанна и св. Григориа на посадЂ.
“Також просимъ Вищневецкаго, дабы изговорил гетману литовскому, єгда будем тЂ отбирати церкви, чтобы там смятеня не было.
“Купятицкий монастырь дабы свобожден был от присуду, и дабы вол(ь)но было церковь строити в Пинску, понеж в сиє смятенє сгорЂла. В стЂнах Смоленских мЂсто св. Аврама. Под стЂнами Смоленскими церковь Бориса и ГлЂба не дано, на них же привилея имЂєм от умершаго короля на вЂчныя времена.
А что остаєт владыцство Смоленскоє при ксондзу Злотым до умертвія єго, архимандрію Смоленскую, которая имЂеть церковь БлаговЂщенія Святей Богородицы в стЂнах Смоленских, с приходами єй належащими просим с привилиєм.
“Крестъ знаменіє архіепископьства отцу митрополиту заказано носити, дабы был привращенный,-просим.
“Права на Святую Софію и на архимандрїю Оврудкую, на манастыр Выдубицкій униты не отдают.
“В постановлении положено, дабы церквей руских от нравов греческих не отлучано, а пан Гарабурда в ЛитвЂ, церковь на костел, а приходы до ней належащия самъ ємлет. В Острогу Святой Троицы с приходами на костел обращенна и єзувитом отдана, такожде Сураж тЂм же єзувитом отдан.
“В земли Премысльской, Самборской, Кременецкой и в иных странах священники яко подданыє на панов работают,-дабы были свобожденны от того.
“Суды духовныя, митроплитские и єпископьскиє дабы были сохранены по данн(о)му праву от короля Августа в лЂто 1511-м (!) от Рождества.
В Билску униты такоє право одержали, дабы кто не униат, во граде не жил, на за градом.
“В Орши ксондзъ оффиціал наших не допущаєт до права.
“ТЂ обиды наши и тягости от унитов предложивши перед вами припадая молим, дабы смы вся тая восприяли, а все бы то исполнено было, что корол(ь) под Зборовом казаком обЂщал, и что они нами повелЂли справити, инако жъ му, симъ Ђхати ни с чЂм, Богом токмо засвидетельствовавши и вами всЂми, что мы сохрані боже, нЂсмы виною злых.
На ciє канцлЂръ: Сіє ваше хотЂнїє и козацкоє, что вы єдинаго хощете, дабы унія разорена была, а благочестиє умножено,-получити вам мощно.
“Договор козацкїй о благочестіи.
“Унія которая от давных времен между нами враждуєт, и до смятенїя междоусобнаго приводит, яко не єдиною за присланіємъ папежа чрез легата безчестена была, что явно в судЂ; такожде и умершій кроль хогЂлъ милость свою оказати и унїю разорити и от церквей отгнати и нашим с приходами церковными отдати, они же хитростию умысливше многою ослушав ся не отступили. И мы бол(ь)ши не изтязуем, что от старост на что нашими православными строєно недавно, то бы нам отдано и нынЂ” 39).
С того договору канцлЂр искушал, что козаки не изневоляют их всЂм чЂмъ унияты владЂют, но токмо что не от многих лЂтъ восхитили которыє церкви, тЂ бы возвратили ся, яко то: любельская, красноставская, сокальская и проч. Которыя король отдати обЂщаєт, тщета вам больши договаривати ся-о всЂх церквах с приходами, понеж и козаки не о всЂхъ просят; но взявши вол(ь)но часть нЂкую церквей и доходов, без боязни от Ђдете на Украйну”.
На сіє митрополит: Для чего их приЂздъ козацский и с которым договоромъ,-аз вЂмъ. Унию от древних временъ сказывают быти, была при ИсидорЂ митрополите 40), который ж никаких церквей с приходами до унии не принужал. А недавным временем забраныя церкви и приходы ихъ, уже послЂ Сидора от давной унии, недавно за кол(ь)ко лЂтъ, за ПотЂя и иных, єгда уж у нас церкви с приходами отнято, о том то 41) козаки договаривают ся. А єсли бы о том козаки и не просили, но мы яко обиженныя имЂємъ здЂ плакати с плачем многим, чтобы нам привращено, которое наше єсть.
На сиє канцлЂръ: Не потреба вам о том о всем много говорити, чего сами козаки не договаривали ся. Аше вы о всЂх приходах с церквами просите, своими почитаючи, которыми днесь унияты владЂют, то потреба того судом доходити, єсли то вам, а не униятом строєно.
На то канцлЂр коронный: Напрасно тут судитися, не суда здЂ мЂсто, но любви. В любви со святительством твоим по воле короля хощем вся сотворити. Уже єсте просили короля и одержали за своє; нынЂ ж иншаго хощете, яко то о церквах назначеныя от умершаго короля и проч.-Зрив суплицЂ. ПовелЂваєт то все корол(ь), токмо архиєпископии Полотцкии, что тамо лежит тЂло Иосафата, отдати не можетъ; а наипаче еще и архиєпископъ наш живъ тамъ, и проч.
На ciє митрополит: Той архиєпископ не власныи свои тамо держить приходы: и архиєпископию и митрополичю.
На сиє канцлЂр литовский: Съ правого держит привилия, а не справа людскаго.
На сіє канцлЂр польский: Да будет впредь о той архие(пископии) испытаніє, нынЂ же иная своя хотЂния изявляйте.
Отецъ митр. чел всЂ рядом хотЂнія с таким договором: любо нам приходит хранити ся и не чаяти возвративши ся на Украину живым быти, а народ руский ожидаєт нас, чаячи яко полезноє справим. И нынЂ же мы видЂчи РЂчь Посполитую 41) трудну откладаєм о больших справах до инаго времени, надЂяся на милость кролевскую. Ныне ж о сих просимъ:
1. Церкви во усталвениях Владислава четвертаго назначенныя дабы были возвращены.
2. Вол(ь)ноє ученіє о благочестіи и служеніє таин, которых во Л(ь)во†і в прочих градЂхъ не повелЂвают. Тамо ж с пресвятыми тайнами итти но улицы умершихъ нести с пЂниєм неволно etc.
Что панъ канцлЂръ велми поношаючи отвЂщал: Их мы сами признаваєм быти тайны истинны греческия, чесо ж ради их не почитаєм? Знаєм мы то вси, что и богословы римския о сих свидЂтельствуют, что правы суть тайны греч. О них же я прилЂжно испытовал и на разсужденіє подавал, могут ми Греки спастися?- совершенно ми отвЂщали, что получат спасения, токмо между нами такая розница, яко между родною братиєю, єгда оба два єдиной матери, но обаче меж себя таким и онаким 42) сыном называют ся. Єдина нас породила церков(ь), матка наша, а мы яко братия, ты єретикъ, ты такой и проч. браним ся. Но обаче сего ради не разрушаєтся братцство.
Молвивши о том много позволили на прошениє митрополита:
3. О крестЂ-о нем же противил ся канцлЂр литовский, но сам арцибискуб и бискупы с прочими позволили до слова, что митрополиту по старому пред собою носити.
4. Пустыя нынЂ вси церкви, и по смерти одержания униятских дабы християном отданы были, и ciє позволили.
Домовляли ся тогда наши о смоленских церквах, наипаче ж панъ Салтык с вЂрою и плачем и проч. Был велми тому противный подканцлЂр литовский глаголя, что король Жигимонтъ взял Смоленскъ мечем, вол(ь)но єму было яко побЂдителю хотя не униятския церкви унитом отдати, или на костелы обратити.
На то митрополит: Не взял мечем Смоленска корол(ь), но от'искал, что Москва пленивши держала, от'искал яко сущеє своє. Сего ради и не хотЂл корол(ь) на право посягати тых и неволити, которых из неволи свободил, дабы им церкви отнимал, и вЂрити право заборонял. Но то справили униты своим злоумышлениємъ. Яко Полотскъ єгда от'искал у Москвы всЂхъ при своихъ судах и вольностях держал.
Сопротивлял ся о сих много подканцлЂрий, инии ж єму санатарове возбраняли. Ту пан Салтыкъ с плачем просил: Или нам церкви отдайте, дабы мы имЂли в них вол(ь)ноє набоженство, или нам дайте вол(ь)ность, дабы мы с той золотой вол(ь)ности, гдЂ наша душа і совЂсть в неволи, пошли тамъ гдЂ волность душам нашим и вЂру имЂти можем. Любо когда корол(ь) взял Смоленскъ от Москвы, но с нами купно, и наши родители братия и сродники труждали ся в том с королем, что вышедши из неволи московской в неволю паки бол(ь)шую здЂ впасти.
На що подканцлЂрий: Лутше нам вас во отчизнЂ не имЂти нежели непод обная ваша хотЂнія исполняти, дабы єсте церков(ь) в стЂнах Смоленских восприяли.
На что канцлЂръ отвЂщал з жалостию подканцлЂрови: Чего ради там не возбраняєте мечетовъ Татаром, школ Жидом, а церкви имЂти возбраняєте? Которая єсли бы здЂся была, ходил бы к ней аки до костела. Потом же воєвода києвский с подканцлЂром за сіє, что мовил-лучше вас во отчизны не имЂти,- розбранил ся даж до зубов: Или мы, рече, неравни, не имЂємъ ли такой же части во отчизны, или неволно спол(ь)ных вол(ь)ностей употребляти?
По многом же свару, взяли от короля и архиепископию Полотскую, что все в том постановленіи из'явили, то и позволили митрополіи.
(По сім текст королівського привилея 12 січня-але з датою 20 січня!)
То право подано в Варша†и в ЛюблинЂ до гроду. На том же сидЂнии отецъ митрополит за мЂсто в сенатЂ чрез сенаторов поблагодарил королю, а что сам немощию и убожеством отрицаючи ся толикой чести, на будущий сеймъ или наслЂдником своимъ то мЂсто сохраняєт, нынЂ ж просил короля, дабы в трибуналЂ нашим духовным з духовными римскими мЂсто дати изволил, єгда нам великии там обиды творят.
На сіє канцлЂръ рек: НЂсть сіє во власти кролевской, но всей Речи Посполитой, и вы пред сеймом, на будущих малыхъ сеймиках изволте сиє извЂстити паном гражданом, просячи дабы до счинения паном послом на сеймъ вложено было, а панове послы от братии своєй договариватись будутъ. Аз же обЂщаю по милости королевской, что ceгo не отречет.
Того ж дня по сидЂніи имЂлъ отецъ митрополит слышаніє, что корол(ь) єго слушал з духовными єго, тамож благодаря короля за даную милость єго, и просячи дабы по скончаніи унитов уже не унитом церкви с приходами отданы были. Что король словом королевским общал. “А то и днес(ь) которому ты, отче митрополите, отдаєшь єпископію Мстиславскую, и я привилей с подписію отдаю”. За что єгда отецъ митрополит и отецъ нареченный Мстиславский поблагодарили короля, крол(ь) отвЂщал: “Живи, отче, долголЂтнє, а за нас Господа бога моли”. Потом целовали руку, и простивши ся от короля отошли, и от Ђхаль король на ловы. А мы єще недЂлю аж до недЂли будущей, для нескораго отправленїя с канцеляріи жили, дондеже право сочинено.
Дня 20-го генваря отецъ митрополит выслал для отобраня церкви Любел(ь)ской отца Дениска архимандрита жыдычинскаго при пану ЖидкЂєвичу инстигаторе коронном, а подстаросте любельском. Который взявши 50 червонных от отца митрополита мзду от пана канцлЂра на отданіє той церкви, придал єму єще панъ канцлЂръ двух єзувитов варшавских, дабы смятенія какого єзувиты любельскіє со студентами, и прочии ксондзы не творили: придал ему и 50 драганов своих приказавши, дабы всякому кто бы смятеніє творил и отдати не хотЂл, хоти б ксондзъ, или єзувита какий,-в лобъ стреляно.
22-го генваря приЂхавши до Люблина отецъ Дениско отобрал церкви за отданиєм пана инстигатора мирно, ни єдиного обрЂте против-глаголюща,-униятов бо пред временем єше и съ ихъ иосафатами писаными изгнано. Взял церковь только стЂны голыє, понеж униты внутръ церкви ничего не оставили.
25-го генваря отецъ митрополит приЂхал до Люблина рано, сталъ в манастырЂ освятивши воду, и покропивши 45) церковь, начали службу отправляти. Жил отецъ митрополит в ЛюблинЂ недЂли двЂ.
Перваго дня февраля отецъ архимандрит жидичинский заЂхалъ Жидичин мирно, Лозовитцкого начальнаго выпровадил волно, понеж уступовал. И прочая и прочая и прочая.
Quae vidimus et audimus haec scripsimus vobis; sunt et alia multa, quae si scribamus, nec ipsam arbitros (!) posse sufficere papirum.
Яже видЂхомъ и слышахом, сія написахомъ вамъ, суть и иная многа, яже аще бы писали, ниже самои бумаги бы стало все исписовати.
II. Виленський панегирик Хмельницькому 46)назад...
Полки войска єго королевскиє милости Запорожских казаков устроєныє и через урожоного Богдана Хмельнитцкого до судов градскихъ києвскихъ суть поданы:
Федор Якубович, полковникъ чигиринской-имЂєтъ войска 3.183 человека.
Яско Вороненко, полковникъ черкаской 2.986 человекъ.
Семен Савин, полковникъ каневской 3.170 человекъ.
Лукашъ Мозыря полковникъ корсунский 3.473 человека.
Михайло Гришкович полковникъ белоозерский 3.023 человека.
Иосифъ Глухъ полковникъ уманский 2.082 человека.
Данило Нечаі полковникъ брясловский 2.072 человека.
Іван Федоров полковиикъ калницкий 2.460 человекъ.
Антон Жданович полковникъ києвской 2.080 человекъ
Федоръ Лебеда полковникъ переяславской 2.118 человекъ.
Филон Драйдало полковникъ кропивенскиі 2.098 человекъ.
Тимошъ Носен полковникъ прилутцкий 1.958 человекъ.
МатвЂй Гладкой полковникъ миргородский 3.258 человекъ.
Мартынъ Пушкаренко полковникъ ставской 2.983 человека.
Прокопъ Шумейко полковникъ нежинской 1.483 человека.
Мартынъ Небаба полковникъ черниговский 1.296 человекъ.
ВсЂхъ прибраных молодцовъ числомъ 40.000 человекъ.-
Читателю, первиє изволь прочитати вирши все, анежели вычитати число выборныхъ молодцовъ:
Сорокъ тысяч Богдан Хмельнитцкой войска устрояєт,
Полно великую тяготу на себЂ двигаєт.
Для тяготы однако за все упадало
Самоє войско что на себЂ тяготу двигало.
У Бога иго благо и бремя легкоє,
Богданови знати тяготу-понеже бремя тяжкоє.
И нынЂ Запорожскоє войско мужественно ставаєт,
Понеже своє бремя 47) Богдан подставляєт.
Людно войско Богданово-Господь єдинаго имЂєтъ.
Тяжко Богдану-понеже сам войско двигаєт.
Добрый подвиг, добрый Господь, гетман се боитъ.
Воинство для боязни в цЂлости стоит.
Не упадаєт 48) войско, стоит добре в справе,
Где чулость гетманская подпираєт яве.
Когда под маєстат королевский ниско упадаєт,
Тяжчає же над королевскую тяготу Богдан имЂєт 49). Король под Богдановым бремянем падати,
Когда имЂлъ Богданову тяготу двигати.
Богдан Хмельницкиі Яна короля признаваєт,
Король Казимер Богдана гетманом учиняєт.
Помазанникъ єсть божий король, а Богдан єсть даный
От Бога єво думы, Богданомъ названый.
На славу Владиславу произволилъ Богъ взяти,
Не иного развеє Богъ Богдана имЂл дати.
За єдново д†краты Богъ надаваєт
Когда гетмана Богдана Яну королю подаваєт.
Счасливый Богдан имЂєт имя с короля Яна -
Иоанна в ымени своєм Богдана.
В Росийскомъ роде король єсть наяснЂйши(м) паном,
Когда двои денницы свЂтят: Богдан со Иванном.
Богом Иоаннъ дерзалъ крещати,
С Хмелнитцким Выховский в делахъ поступати.
Не дивно, понеже Богдана Духъ Святый умудряєтъ,
Иоанна мудрости Богдан научаєт.
Войско Запорожское Богдан устрояєт,
ГдЂ і Выговский Иоан вЂрно послугуєтъ.
Послугуєт и Богдан такъ что войско жити
При волностях: в неволи не будут служити.
Благодарность Богдану войско поволном даєт 50),
Когда єво с страшных робот Богданъ освобожаєт,
Всвободил і в остальным матку что маткою
Сыном росийскимъ учинилася а не мачехою.
Унея соєдиненє обимет однако такъ подвоила 51).
Сынов была выродковъ множество наплодила.
Єдиному Богу вЂру Богданъ сохраняєтъ
Что он и другихъ сообщеня не требуєтъ.
Обчее добро Росийского народу
Учинил Богдан что церквамъ сталася свобода.
Владычества, игуменства, к тому монастыри
Архимаричьи такоже живящиє вЂры.
Д†тЂ обители какъ єсть тот устрояєт
Богдан издавна вольности ихъ сыскав подаваєт.
При Владиславе права в Руси порчено,
При Иоанне и Богдане права исправлено.
Запорожскому войску вол(ь)ность до мешканья.
Границы подлинныє даны для не 52) замешанья.
Полскоє и рускоє войско в спискахъ устроєны,
В покоє б Хмелнитцкой гетманъ 53) управливаны.
Противу неприятеля єсть силенъ въ бою,
А чтоб не была измЂна, думал о покою.
Розсужденьємъ о здоровьє всякого самъ ценил,
Своє и чужеє-єстли хитроє-безчестил.
И прилежаниє все однимъ словомъ может назватися:
Понеже єсть гетманъ-непотребно болши описывати.
При именьяхъ єсть пристойность именья вписати
В список-на пришлые времена хвалу отдати.
Славнымъ предкамъ ненадобно ту освидетелствовати,
Толко дЂтем надобно то обявити,
Что в Росийскомъ народе єсть Хмельницкий Богдан гетманъ.
А писарь Выговский Иоанъ.
Дело Хмелнитцкихъ тем не зблудило,
Что ся в покою короля переменило.
Такъ по рыцерску Богданъ услугуєтъ,
Что за послуги булаву король єму даруєт.
Через Богдана далъ войску король волности,
Також Богдан королю дался с поволности.
Дал ся в подданство-волность свобождаєт,
Богданъ подданство поволноє имъєт 54). В росийскомъ роде польская булава,
В народе пол(ь)скомъ росийская слава.
Когда король Казимер єсть в Польше Иоанъ,
В Руси єсть гетман Хмелнитцкий Богдан.
Хмельнитцкиє приняли когда ся крестили,
Приняли крещесть за печат(ь) когда заслужили.
(Заслужили) Хмельнитцкихъ крестъ предкове,
И тЂмъ подарокъ 55) которымъ крестят ся Голубове.
Когда Хмелнитцких подобный клейнот у Голубов,
Подобная умрети за вотчинную 56) любов.
Возлюбленные матки вотчины 56) сынове
Хмелницткиє всЂ с предков, такъ же Голубове.
Когда Абданкъ знак 57) справедливости 58) с поволностью в гербе.
Крестъ побЂда, крестъ похвала в небе.
Понеже то крестъ Хмельнитцкий в своєм гербЂ маєт,
Тою силою 59) при божиємъ крестЂ и свой крестъ двигати 60).
Креста митрополиту заказано было нести пред собою,
Ажь имЂл свой крестъ Богдан носити.
При Могиле Петре креста заслуженьє,
При Богдану в Руси суть 61) воздвиженьє.
Два клейноты розныхъ се тут в оку сияют,
Что из нихъ одинъ другому почесть выстрояют.
Однако имЂєт Выговских стрелу всегда знати,
Нижайший поклон Хмелнитцкихъ кресту отдавати.
Труды и печалованье два гербы стояли,
Сообщающим ся правду такъ устроили:
Абданкъ добрый крестъ тяготу знаменуєт,
Прудко летящему 62) во спомоч приймуєт.
Крестъ Хмелнитцких придаєт Хмелнитцкимъ, которых
Стрела имЂєт себЂ за подпору. Верни(й) отрокъ козакъ на дол крестъ тут образ даєт,
Которым Богъ и тЂмъ Богданъ немного побЂждаєт.
Крестъ в гербе, крестъ при сабле на знакъ побЂды имаєтъ,
Дважды болши над иных Богдане побеждаєт.
За силнейшую мочь в гербе Хмелнитцкимъ даный
Крестъ Христовъ надежная збруя из упорных 63).
Абданк 64) поволность значит при кресте для брани
Умрети Хмелнитцких старожитности крестъ может пристойно.
Вгербе Хмелнитцкихъ крестъ ся воскресити водружаєт.
В ыменьє своємъ Богданъ имя от Бога имЂєт.
Доброго клейноту здоровья хранила
Стрела в клейноте Выговскихъ пристойная спожила.
Без лука в гербе стрела-знат(ь) лукъ в руках имЂєт.
Выговский за все знат(ь) из лука стреляєт.
Межь планидами єсть одна стрела в небе,
Одна Выговских стрела, какъ в небе в гербе
Мыслью какъ стрелою в небо стреляєш
Из лука хотя небо божиє Выговский измеряєш.
В гербовым поле писма персями послугуєт.
Стрела в дикоє поле гротом залетаєт.
Войско на похвалу полскому орлови,
Орел в небе приданый єсть Йоаннови.
То і “началє бЂ Слово” та ся подписуєт
Иоанъ Выговский гротом шванкъ рысуєт,
Когда неприятел(ь) в цЂль попадши мЂрил,
Знаком Абданкъ вначале стреливши не покривил.
Иоане Выговский от Бога ли дана
ДЂлность тебЂ такова или от Богдана?
Могъ бы хто разумЂти, что докончаєтца,
ГдЂ толко самоє дЂло починаєтца-
Счасливо востати ся или пановане короля Казимера
В Рускомъ народе какъ за Владимера 65). Тот двенадцат сынов имЂл, однако того(о) не имЂли
ДЂти что ныне Хмелнитцки доказали.
Сынов Владимеровыхъ Росия упала,
С Хмелнитцкихъ-при Богдане на ноги постали.
III. Реляція з Царгороду, передана польськими комісарами московським послам підчас львівських переговорів 1653 року 66)назад...
Перевод с пол(ь)сково писма, каково писмо дали паны рада в отвЂте.
Нашъ всегдашний волкъ прямо волка злЂйший, чтоб уж коли нибуд(ь) на крюку или на колу был повис, многожды подтверженную присягу свою ломит. И ныне послал Мерькурия и с нимъ нЂсколько иных, которые марта 12-го дня пришли с великими дарами, помощи прося. И по многой на диване цесарской 8-го дня апрЂля думЂ, есть ли дати казакамъ помощи,-єдна сторона не позволяла для того: “Ненадобно тЂх мужиков тЂшиті, которыє, какъ бы Поляковъ победили, прямо б силы собрав и обещания своего не додержали; что в таковых людех, каковы суть казаки, нимало правды і вЂры нЂт; до того Поляки для нашего добра, которого по примирью боронили, терпят: что они казаков не пускали на море, на себя ту войну переняли. Для того достойно тЂмъ ребелизантомъ добра не желати. А что бол(ь)ше-нам самим то может шкодети вел(ь)ми: есть ли снесут Казаков Поляки, или с нами, какъ ни єсть, случатца,-вся тягость войны такъ сильных войскъ на нас обвалитца. Для того лутше намъ быти в том ни сими, ни тЂми, и не разоряти с ними укрепленых пакта покою, имянно, что нам то не надобно чтоб они первие хотЂли укрепление мира сломати.
Дата добавления: 2015-07-22; просмотров: 564;