Салыстырмалы диагностикасы. Көрсеткіштер бойынша симптоматикалық генезді семіздікті жоққа шығару қажет (кіші дексаметазон сынағы

Көрсеткіштер бойынша симптоматикалық генезді семіздікті жоққа шығару қажет (кіші дексаметазон сынағы, ТТГ және т.б.). Дәрігер мен семіздікпен сырқаттанған науқастар арасындағы келіспеушіліктің дәстүрлі себебі, науқастың семіздік себебі қандайда бір сырқаттың нәтижесі деп бой бермеуі болып табылады.

Емі

1. Тағам қабылдау тәртібін реттеу және физикалық белсенділікті арттыру.

2. Гипокалориялық емдәм. Энергетикалық құныдылығы тәулігіне 1200 ккал болуы тиіс және май қабылдауды минимальды дәрежеге жеткізу қажет. Қосымша көп мөлшерде клетчаткаға бай тағамдарда қабылдау тағайындалады. Емнің мақсаты бір жыл көлемінде дене массасын 5–10%-ға төмендету болып табылады.

3. Медикаментозды ем науқастың өмір сүру салтын, емдәмін, сонымен қатар семіздік асқынулары мен жүрек-қантамыр жүйесі патологиясының даму қаупі жоғарылағанда тағайындалады:

3.1. Семіздіктің емі:

• орлистат (ксеникал) ішектік және панкреатикалық липазаларды тежейді, нәтижесінде майлардың ыдырауы бұзылып, ішекте сіңірілуі нашарлайды.

• сибутрамин (меридиа) мономиндерді (серотонин, норадреналин) кері басып алуын тежейді. Синапстарда осы нейротрансмиттердің жоғарылауы орталық 5-НТ-серотонин және адренергиялық рецепторларды белсендіріп, тойым сезімін арттырып, тәбеттің төмендеуіне және жылу алмасудың жоғарылауына әкеледі.

3.2. Липидті спектрді коррекциялау. Осы мақсатпен ГМГ-КоА-редуктаза (статин) ингибиторлары және фибраттар тағайындалады.

3.3. Гипотензивті терапия. ААФ ингибиторлары және т.б. дәрілік заттар тағайындалады.

3.4. Инсулинорезистенттілік және гипергликемия. Қант диабетін емдеу қағидалары 7.6 бөлімде көрсетілген.Метформин кей жағдайларда диабет алды сатысында тағайындалады.

4. Хирургиялық ем: кішкене асқазан қалыптастыру (гастропластика), асқазанды шунттау, аш ішек резекциясы және т.б.