Тэма № 24. Заклік быць верным Запавету. Прарок Ерамія

Дыдактычная мэта:

Пазнаёміць вучня з асобай і прароцтвамі прарока Ераміі.

Выхаваўчая мэта:

Выхоўваць у вучнях вернасць Богу і любоў да Радзімы.

Матэрыялы:

Біблія Ер. 1, 4-10, Ер. 4, 1. 14, Ер. 9, 10, Ер. 31, 31-34. Мапа Беларусі, мапа Ерузалема, ілюстрацыя, паказваючая прарока Ерамію, які аплаквае Ерузалем.

Метады катэхэзы:

Аналіз біблійнага тэксту, медытацыя вобраза, дыскусія, незавершаныя сказы.

Ход заняткаў

Малітва:

Божа, Валадару і Пане народаў, з рук сваіх і волі сваёй не выпускай нас,
а праз заступніцтва Найсвяцейшай Панны і Каралевы нашай благаславі Айчыну нашу, каб яна была заўсёды верная Табе і хвалу прыносіла Твайму святому імені, а сыноў і дачок сваіх вяла да вечнага шчасця.

Малітва за Айчыну

К. правярае хатняе заданне, паўтарае пройдзены матэрыял і ўводзіць вучняў у новую тэму.

Чалавек пытае:

К. паказвае вучням мапу Беларусі.

- Якую краіну нагадвае вам гэта мапа?

- Хто з вас быў у Мінску?

- Што вам спадабалася найбольш?

- Чым для беларусаў з’яўляецца горад Мінск?

Бог адказвае:

К. паказвае вучням ілюстрацыю Ерузалема. Сталіцай валадарства Юдэйскага быў горад Ерузалем. З гэтым горадам звязаная асоба прарока Ераміі.

Пан Бог нястомна дапамагаў і апекаваўся Ізраэлем. Але ізраэльцяне не былі вернымі Богу і забыліся пра Запавет з Богам. Пад уздзеяннем суседніх народаў сярод іх расло ідалапаклонства, яны адвярнуліся ад сапраўднага жывога Пана Бога і пакланяцца нежывым ідалам, якіх зрабілі людзі з дрэва, каменя, золата, срэбра і г.д. Таму Пан пасылаў да свайго народу прарокаў. Пан Бог кліча прарока, каб ён перадаваў народу Яго словы. Ерамія быў адным з вялікіх прарокаў, якіх паклікаў Пан Бог. Пра яго пакліканне мы чытаем у пачатку кнігі прарока Ераміі. К. чытае Ер. 1, 4-10.

- Пра што расказвае гэты тэкст?

Ерамія выканаў Божае даручэнне. Быў вялікім прарокам у Юдэйскім каралеўстве. Ён нагадваў ізраэльцянам аб тым, что Пан Бог – адзіны, і няма іншых багоў, і заклікаў быць верным Запавету, які яны заключылі з Богам на гары Сінай. К. чытае Ер. 4, 1. 14.

- Да чаго заклікае прарок Ерамія гэтымі словамі?

Прарок Ерамія прадказаў таксама кару Божую за нявернасць ізраэльцян, за іх нежаданне адвярнуцца ад зла і чыніць дабро. Ён прадказаў, што горад Ерузалем будзе разбураны, і ператворыцца ў груду камянёў. Прароцтва Ераміі споўнілася. Ізраэльцяне трапілі ў бабілёнскі палон. Кароль Бабілёна захапіў Ерузалем. Ён абрабаваў і разбурыў увесь горад і Божую святыню, якая ў ім знаходзілася, а людзей захапіў у палон і павёў іх у Бабілён у якасці нявольнікаў. Прарок Ерамія вельмі любіў сваю радзіму, але нічога не мог зрабіць з нявернасцю сваіх суайчыннікаў. Ён цудоўна ведаў, што паражэнне
і няволя, якую яны перажываюць, гэта наступствы граху – нявернасці Богу
і Яго запавету. Прарок Ерамія аплакваў свой любімы горад і суцяшаў народ.

К. паказвае прарока Ерамію, які аплаквае Ерузалем. К. пытае:

- Чаму Ерамія плача?

- Чаму Ерузалем разбурылі?

Прарок Ерамія таксама прадказаў вельмі важную падзею для ўсіх людзей. К. чытае Ер. 31, 31-34.

- Пра якую падзею гаворыць прарок?

- Дзе гэты запавет быў заключаны?

- Праз каго?

- Якім коштам? /пакуты і смерць Езуса Хрыста/

Прарок Ерамія прадказаў пакуты Езуса Хрыста, і Новы Запавет, які Бог заключыць з людзьмі.

Чалавек адказвае Богу:

Пан Бог праз прарока Ерамію заклікае да навяртання, не толькі ізраэльцян, але і нас. Ён нагадвае нам, што мы павінны быць вернымі Пану Богу і Яго запаведзям.

К. пытае:

- Да чаго заклікае нас Пан Бог словамі прарока Ераміі? (вернасць запавету)

- Калі мы з вамі заключылі запавет з Панам Богам? (падчас хросту)

- З дапамогай якога сакарамэнту Пан Бог прабачае нам грахі і дае нам асвячальную ласку? (сакрамэнт споведзі)

К. пытае:

- Які перыяд літургічнага года асаблівым чынам заклікае нас да навяртання? (Вялікі пост)

- Вялікі пост – гэта час….(закончы сказ)

- Падчас Вялікага посту мы рыхтуемся ….(закончы сказ)

- Час Вялікага посту дадзены чалавеку для таго,…(закончы сказ)

- Падчас Вялікага посту мы разважаем аб …(закончы сказ)

- Падчас Вялікага посту мы ходзім у касцёл на … (закончы сказ (Крыжовы шлях і Песні Жальбы)

- Кожны хрысціянін падчас Вялікага посту павінен прыняць удзел у … (закончы сказ (Духоўныя практыкаванні)

Разважанне:

К. пытае:

- Што я павінен змяніць у сваіх учынках, каб быць верным Богу
і выконваць Яго запаведзі?

- Як я праяўляю любоў да Радзімы?

- Ці пазнаю яе гісторыю?

- Ці берагу прыроду?

- Як паводжу сябе ў грамадскіх месцах?

- Ці стаўлюся беражліва да грамадскай маёмасці?

- Як часта малюся за свой народ?

- Калі апошні раз я маліўся за Беларусь?

Пастанова.

Хатняе заданне:

1. Раскажы сваёй сям’і і сябрам пра прарока Ерамію і яго прароцтвы.

2. Намалюй карту Беларусі і напішы на ёй малітву за Радзіму.

1. Напішы, як ты можаш праявіць сваю любоў да Радзімы.

Заключная малітва:

Песня «Магутны Божа», Спеўнік Эмануэль стр. 65