Тэма № 26. Вернасць Богу. Мучаніцтва Маці і Сыноў

Дыдактычная мэта:

Пазнаёміць вучня з біблійнай гісторыяй аб пакутніцкай смерці сямі братоў і іх маці. Вучань ведае, што трэба мужна вызнаваць сваю веру. Адданы да канца Пану Богу чалавек атрымлівае ў якасці ўзнагароды вечнае Жыццё.

Выхаваўчая мэта:

Фарміраваць у вучню імкненне мужна вызнаваць сваю веру.

Матэрыялы:

Біблія: 2 Мак. 7, 1-41, ілюстрацыя і фільм, паказваючыя падзеі біблійнага тэксту. Фільм /ваеннай тэматыкі/, у якім чалавек аддае сваё жыццё за сваю сям’ю або за свабоду свайго народа – урывак з фільма «Адважнае сэрца», «Гладыятар» і г.д.

Метады катэхэзы:

Аналіз біблійнага тэксту, медытацыя вобраза, дапаможнік, дыскусія, сцэнка, праца ў групах.

Ход заняткаў

Малітва:

О, мой Божа, Тройца, якую праслаўляю...супакой душу маю; зрабі яе сваім небам, сваім умілаваным прытулкам і месцам свайго адпачынку. Няхай ніколі не пакіну там Цябе ў адзіноце, але няхай буду там уся цалкам, чуваючы ў веры, трываючы ў пакланенні, аддаючыся поўнасцю Тваёй справе збаўлення.

Бл. Альжбета ад Тройцы

К. правярае хатняе заданне, паўтарае продзены матэрыял і ўводзіць вучняў
у новую тэму.

Чалавек пытае:

К. паказвае ўрывак з фільма (ваеннай тэматыкі), у якім чалавек аддае сваё жыццё за сваю сям’ю, за любага чаловека або за свабоду свайго народа – урывак з фільма «Адважнае сэрца», «Гладыятар» і г.д.

К. абмяркоўвае з вучнямі змест прагледжанага фрагмента.

К. Жыццё – найвышэйшы дар, якім Пан Бог адарыў чалавека. Жыццё кожнага чалавека бясцэннае. Але мы ведаем, што існуюць каштоўнасці, за якія чалавек здольны аддаць сваё жыццё. Такіх людзей мы называем героямі. Яны аддаюць сваё жыццё, каб захаваць, абараніць жыццё іншых. К. пытае:

- Дзеля каго мы з вамі здольныя ахвяраваць сваё жыццё?

Бог адказвае:

К. За 200 год да нараджэння Езуса Хрыста ізраэльцян захапілі сірыйцы. Сірыйскі кароль прымушаў ізраэльцян адрачыся ад веры ў адзінага Пана Бога і ад Яго запаведзяў. Таго, хто адмаўляліся выконваць загады караля, катавалі і забівалі. К. чытае 2 Мак. 7, 1-41. К. паказвае ілюстрацыю, на якой паказаны сем братоў і іх маці. К. пытае:

- За што катавалі і забілі маці і яе сыноў?

- На каго яны спадзяваліся?

- Што давала ім мужнасць і вытрываласць у пакутах?

- У каго яны глыбока верылі?

- Чаго дасягнулі маці і яе сямёра сыноў?

- Чаму яны нас вучаць?

К. прымацоўвае на дошцы дапаможнік наступнага зместу:

К. пытае:

- З якой малітвы ўзяты гэты фрагмент?

- Як вы разумееце выраз «ЧАКАЮ ЎВАСКРАШЭННЯ ПАМЕРЛЫХ І ЖЫЦЦЯ ВЕЧНАГА Ў БУДУЧЫМ СВЕЦЕ”?

Адказы вучні запісваюць у дапаможнік для дзяцей, і прадстаўляюць іх на абмеркаванне.

Чалавек адказвае Богу:

К. дзеліць дзяцей на тры групы і прапаноўвае ім падрыхтаваць кароткія сцэнкі:

Група 1

Падчас адпачынку ў летнім лагеры дзеці пераадольваюць сарамлівасць
і пачуццё сораму, перад тым, каб стаць на калені перад вячэрняй малітвай.

Група 2

На стадыёне дзеці заступаюцца за слабога дзіця, над якім смяюцца
і здзекуюцца астатнія дзеці.

Група 3

Дзеці, праходзячы каля Касцёла, Крыжа робяць на сабе знак крыжа.

Вучні дзеляцца ўражаннямі ад сцэнкі.

К. пытае:

- Як мы ў штодзённым жыцці можам вызнаваць сваю веру ў Пана Бога? (маліцца раніцай і вечарам, да і пасля ежы, перад паездкай, па нядзелях удзельнічаць у Святой Імшы, любіць бліжніх і г.д.)

- Якая ўзнагарода чакае нас на небе за вернасць Пану Богу і Яго запаведзям?

Разважанне:

- Ці люблю я Пана Бога больш за ўсё на свеце? У чым гэта выяўляецца?

- Ці вызнаю я мужна сваю веру ў штодзённым жыцці? Якім чынам?

- Што я хачу і магу зрабіць з любові да пана Бога?

Пастанова.

Хатняе заданне:

1. Раскажы сваёй сям’і і сябрам біблійную гісторыю маці і яе сяноў.

2. Напішы сачыненне на тэму: «Мучанікі беларускай зямлі», у якім ты апішаш жыццё і гераічную смерць мучаніка. (К. павінен падрыхтаваць
і прадставіць адпаведную інфармацыю для вучняў пра мучанікаў беларускай зямлі).

3. Напішы малітву - просьбу аб дары моцнай веры.

Заключная малітва:

Псальм 86 (85), 11-12

Тэма № 28 «Выкананне Божых абяцанняў»

Дыдактычная мэта:

Вучань ведае, што ў Езусе Хрысце здзейсніліся старазапаветныя прароцтвы. Увесь Стары Запавет падрыхтоўваў свет да прыйсця Збаўцы – Езуса Хрыста.

Выхаваўчая мэта:

Фарміраваць у вучню ўпэўненасць у здзяйсненні Божых абяцанняў. Дапамагчы вучню прыняць Езуса Хрыста як Збаўцу.

Матэрыялы:

Біблія: Евангелле ад св. Лукі 2: 1-7, ілюстрацыя і фільм, паказваючыя падзеі біблійнага тэксту - Нараджэнне Езуса Хрыста.

Метады катэхэзы:

Аналіз біблійнага тэксту, медытацыя вобраза, дапаможнік, праца ў групе, дыскусія.

Ход заняткаў

Малітва

Апостальскі сімвал веры

К. правярае хатняе заданне, паўтарае пройдзены матэрыял і ўводзіць вучняў у новую тэму.

Чалавек пытае

На працягу ўсяго года Пан Бог вёў нас. Ён адкрываўся нам у сваім Слове і не перастае адкрывацца. Ён вучыць нас, умацоўвае нашу веру і любоў. Пасылае нам незвычайных, па-сапраўднаму веруючых людзей, якія любяць Яго ўсім сэрцам, усім розумам і ўсёю душою і вучаць нас, як слухаць Пана Бога і выконваць Яго святую волю. На сённяшнім спатканні мы паўторым матэрыял, які мы праходзілі на працягу года.

Бог адказвае

К. прымацоўвае да дошкі дапаможнік наступнага зместу:

На працягу года мы з вамі вывучалі падзеі, апісаныя ў Старым Запавеце. Крок за крокам мы ішлі да здзяйснення самага галоўнага прароцтва Старога Запавету – прыйсця Месіі, Збаўцы свету – нараджэння Езуса Хрыста. Сягоння мы з вамі будзем успамінаць падзеі, якія мы праходзілі. К. дзеліць вучняў на 5 груп і раздае ім па 5 картак на групу, карыстаючыся ніжэй прадстаўленым дапаможнікам. Вучні, карыстаючыся дапаможнікамі для вучняў і Бібліяй павінны коратка расказаць пра асноўныя падзеі, якія ўтрымліваюцца ў дадзеных тэмах. К. выбудоўвае з вучнямі піраміду. К. падсумоўвае адказы вучняў: «І так усё сталася. Усе прароцтвы споўніліся праз прыйсце Езуса Хрыста». К. чытае Евангелле ад св. Лукі 2: 1-7.