Тапсырмалар. 5.1. Инерция моменті 2 кг·м2 болатын маховик w0 бұрыштық жылдамдықпен және 0,21рад/с2 бұрыштық үдеумен айналып

5.1. Инерция моменті 2 кг·м² болатын маховик w₀ бұрыштық жылдамдықпен және 0,21рад/с² бұрыштық үдеумен айналып тұрып, 0,42Н·м күш моментінің әсерінен 1 мин уақыттан кейін барып тоқтайды. Маховикті біртекті диск деп қарастырыңыз. Маховиктің бұрыштық жылдамдығын анықтаңыз.

5.2. Радиусы 0,5 м массасы m болатын біртекті дискнің шетіне 100 Нкүш әсер етеді. Осы күштің әсерінен диск айналысқа келгенде оған әсер ететін күш моменті-2 Н·м. Дискнің бұрыштық үдеуін және массасын анықтаңыз.

5.3.Ұзындығы 1 м, массасы 2,5 кг болатын біртекті стерженьнің бұрыштық үдеуін анықтаңыз. Айналу осі стерженьнің ортасынан перпендикуляр бағытта өтеді. Айналдыру моментін 100 Н·мдеп алыңыз.

5.4. Диаметрі 0,5 м, массасы 0,25кг, болатын шар горизонталь жазық бетте 10 с^-1 жиілікпен домалайтын болса, онда шардың кинетикалық энергиясы W қандай болады ?

5.5.Массасы 1 кг болатын біртекті тұтас цилиндр тәрізді жасалған қозғалмайтын блок арқылы өтетін салмақсыз жіптің ұштарына массалары 1 және 2 кг болатын екі дене ілінген. Блок осіндегі үйкелісті ескермей, жүктердің үдеуін, керілу күштерінің қатынасын Т₂/Т₁ анықтаңыз.