Кеңістіктегі тор. (Пространственная решетка).

Идеалды кристалды кеңістікте бір-бірін шексіз қайталайтын шексіз бірдей құрылысты бірлік ретінде салуға болады.

Көпшілік жай кристалдар, мысалы темір, мыс,күміс,сілтілік металдар кристалдарының құрылыс бірлігі (кейде түйін деп атайды) бір атомнан тұрады. Күрделі заттардың кристалдарында құрылыс бірлігі бірнеше атомдардан не молекулалардан тұрады.Кейбір органикалық емес затардың құрылыс бірлігі 100, не одан да көп атомдар мен молекулалардан тұрады.

Кристалл, бірнеше химиялық элементтердің атомынан тұруы мүмкін (мысалы NaCl кристалы),не бір-бірімен байланысқан атомдар тобы болуы мүмкін (мысалы Н₂ кристалы)

Кристалдардың үш өлшемдегі периодтық орналасуын, көрнекті түрде кеңістіктегі тор арқылы бейнелеуге болады және оны абстракты математикалық бейне ретінде бөлшектердің кеңістіктегі орнын сипаттайды.

Идеалды кристалдың құрылысындағы бірдей нүктелер шексіз дұрыс симметриялы қатар түзейді.Кристалды тордағы екі кез-келген тұйық арқылы түзу өтетін болса,ол басқада түйіндерден өтіп,шексіз қатар түзейді (сурет-4).