Антивирустік тексеріс

Вирусты жазу тарихы алғашқы компьютерлердің көп көлемде пайда болуымен басталды. Бұрынғы уақытта вирустар қарапайым әрекеттер жасайтын болатын. Әрі кеткенде, уақытша компьютерлерді істен шығаратын әдейі вирустар да болған.

Қазіргі кезде вирустардың мақсаты күрделілек, себебі ол белгілі бір компьютерлік объектіні қатардан шығаруға бағытталған, сонымен қатар ол тек бір компьютер болуы мүмкін және бір мекеменің немесе қаржы бөлімінің мыңдаған компьютерлері болуы мүмкін.

Ол өзінің қарсыласын шатыстыру үшін, электронды құжаттарды ұрлау, қаржы көзбояушылығы және т.б. әркеттерді іске асырады.

Жалпы айтқанда, оның тарихы өте шытырман және шеті көрінбейді. Сондықтан вирустан сақтану үшін арнайы бағдарламалар ойлап шығарылды, олар – антивирустік дестелер, олар компьютердегі “шақырылмаған қонақтардың” санын тексереді. Қазіргі кезде бұндай бағдарламалар шынайы уақытта жұмыс істейді және олар компьютердегі бар файлды ғана емес, сонымен қатар компьютерге түскен кез келген объектіні сараптайды. Мұндай бағдарламаның әркездік жаңартушы антивирустік базасы және вирустың көзін анықтай алатын жақсы ойластырылған алгоритм іздеушісі болады, сондықтан олар толықтай компьютерді бүкіл вирустардан қорғайды.

Қазіргі кезде антивирустік бағдарламалар өте көп. Олардың әрбіреуінің артықшылығы мен кемшілігі бар: кейбіреуі жылдам тексергенімен, антивирустік жаңартуларды сирек жүктейді, ал кейбіреулер күн сайын жаңартуларды жүктейді, бірақ келген немесе жазылған электрондық хаттаманы тексере алмайды.

Антивирустік дестелердің ең мықтылары: DrWeb, ESET NOD32, AntiVir, Kaspersky, Avast, McAfree және т.б.

NOD32 бағдарламасы бірнеше модульдерден тұрады, оның әрбіреуі белгілі бір қолдану жағдайына сүйенеді. Мысалы: файлдық жүйелік мониторы, POP3 және HTTP протоколдарына арналған интернет-мониторы, Microsoft Outlook-ке арналған MAPI электрондық поштаның мониторы, және т.б. Сонымен қатар оның құрамында бағдарламаның жаңаруына және вирустық мәліметтер базасына жауап беретін модульдер бар.

Егерде файлдарды сканерлеу модулін қосқымыз келсе, терезенің сол жағынан “Сканерлеу” бөлігін таңдап алу жеткілікті. Сол кезде оң жақта компьютерді тексерудің екі түрі пайда болады.

5.1-cурет. ESET NOD32 бағдарламасы

Қалыпты сканерлеу көмегімен компьютердегі бүкіл жергілікті дискілерді тексеруге болады. Осы бөлімді таңдаған соң, бүкіл жергілікті дискілер мен құрылғылар тексеріледі.

Сонымен қатар, нақты объектілерді тексеретін және тексеру ережелерін таңдауын қарастыратын, қолданушылық сканерлеу бөлігі бар. Бұл тәсілдің қолдану тиімділігі, бағдарлама компьютер жадында үнемі болғандықтан қатқыл дискідегі бүкіл файлдарды бақылайды.

Қандай да бір вирус немесе вирус коды (“троян”, ”тыңшы бағдарламалар”, ”байланыс (дозвон) бағдарламасы”) табылған кезде, бағдарламада зиянды объект жайлы ақпарат және оған қолданған әрекеті көрсетілген хабарлама пайда болады. Бағдарлама өзінің дұрыс таңдауына сенімсіз болған кезде, терезе пайда болады, онда берілген нұсқалардың біреуін белгілеуге талап қояды.

Сканерленгеннен кейін журналға соңғы жолдар қосылады, олар арқылы тексерілген файл санын, табылған вирус санын, дискіні тексеруге кеткен уақыт мөлшерін білуге болады.

Бағдарламаның жағымды жақтарының бірі - оның автоматты түрде жаңаруы, ол үшін тек Интернетке қосылу қажет. Егер ұзақ уақыт бойы жаңарту мүмкіндігі болмаса, антивирустік базаның жоспарда жоқ жаңартуын қосу үшін, жаңарту бөлімін таңдап, оң жақта пайда болған терезеден Вирусты сигнатураның мәліметтер базасын жаңарту бөлімін таңдау керек. Бағдарлама керек ақпаратты жаңарту үшін, оған қол жетерлік құпия сөз керек, ал оны бағдарламаны заңды түрде сатып алған әр адам қолдана алады. Қолданушы есімі мен құпия сөзді, Қолданушы есімін және құпия сөзді баптау сілтемесін таңдау арқылы енгізуге болады.

Жаңартқаннан кейін аз уақытқа қалқыған терезе пайда болады, онда утилита вирустік мәліметтер базасын сәтті жаңартқаны туралы хабарлайды.

Бұл антивирустік бағдарлама тек үй қолданысында ғана емес, сонымен қатар бірлескен қолданысқа тиімді және ол вирусті шабуылдан бүкіл жергілікті желіні қорғайды. Тек бұл жағдайда, бірлескен қосымшаның нұсқасын пайдалану қажет.